Viking í Noregi að horfa til Ísaks og Nökkva

Viking er því í leit af framherja og Englendingurinn Lucas Arnold fylgist vel með því hvað er í gangi í íslenska boltanum en hann segir á Twitter síðu sinni að Ísak Snær Þorvaldsson leikmaður Breiðabliks og Nökkvi Þeyr Þórisson leikmaður KA séu undir smásjá norska félagsins.

Ísak og Nökkvi hafa komið gríðarlega mikið á óvart fyrir árangur sinn í Bestu deildinni í sumar. Ísak er markahæstur í deildinni ásamt Guðmundi Magnússyni leikmanni Fram með 11 mörk og Nökkvi kemur þar á eftir með 10 mörk.

Sævar Pétursson framkvæmdastjóri KA svaraði Lucas á Twitter og sagði léttur; „Segðu þeim að Ísak sé frábær."

Nökkvi var til umræðu í Innkastinu á dögunum. Þeir veltu fyrir sér hvort hann myndi taka við af Ísaki ef hann yrði seldur.

„Það er klárlega eitthvað sem Blikarnir myndu skoða. En ef ég les í týpuna sem Sævar Pétursson (framkvæmdastjóri KA) er þá myndi hann líklega setja 30 milljóna króna verðmiða á hann. Hann mun örugglega frekar reyna að selja hann út," segir Eysteinn.

Being told that @vikingfotball scouts are looking at Nökkvi Þeyr (22) and Ísak Snær (21) of KA and Blix respectively. Club are looking for a striker to replace Veton Berisha whose been sold to Hammarby.

— Lucas Arnold (@FotboltiLucas) July 27, 2022