„Það er aldrei gaman að tapa fótboltaleikjum en við viljum nýta þessa leiki til að gefa okkar ungu og efnilegu strákum séns á að sýna sig," sagði Rúnar eftir leik.

„Það er fínt fyrir þá að lenda í alvöru leik eins og í dag. Víkingarnir voru fastir fyrir og ætluðu ekki að lenda í stóru tapi eins og í síðustu viku. Þeir leyfðu okkar strákum að finna fyrir því að meistaraflokksleikir eru ekki eins og 2. flokks leikir."

Rúnari leist vel á ungu leikmennina og segist vera sérlega hrifinn af Björgvini Stefánssyni sem þótti spila vel í dag.

„Við erum hrifnir af Björgvini. Hann er góður leikmaður og við væntum mikils af honum.

„Það er langur vetur framundan og við ætlum að nýta hann til að byggja upp góðan hóp fyrir næsta tímabil."

Miklar væntingar eru bundnar við Rúnar, sem vann úrvalsdeildina tvisvar og bikarinn þrisvar á fjóru og hálfu ári við stjórnvölinn hjá KR, frá 2010 til 2014.