Fotbolti.net
27.12.19 - 18:26
Sigurður Eyjólfur Sigurjónsson
Ítalska deildin

Zlatan til AC Milan (Staðfest)

Zlatan er mættur aftur til AC Milan.

Zlatan er mættur aftur til AC Milan.

Canon

Mynd: Getty Images

AC Milan staðfesti það nú rétt í þessu að sænski framherjinn Zlatan Ibrahimovic sé kominn aftur til félagsins.
Zlatan lék með AC Milan á árunum 2010-2012, hann varð Ítalíumeistari með félaginu.

Hann skrifar undir samning sem gildir til sex mánaða með möguleika á eins árs framlengingu.

Zlatan fór frá AC Milan til PSG í Frakklandi, næsti viðkomustaður hans var Manchester United og nú síðast lék hann í Bandaríkjunum hjá LA Galaxy.

AC Milan menn vonast væntanlega til þess að Zlatan geti séð til þess að þeir blandi sér í baráttu um Evrópusæti en gengi liðsins hefur verið slakt það sem af er tímabili. Þeir eru 14 stigum frá Meistaradeildarsæti, í 11. sæti deildarinnar.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.