Fotbolti.net
28.01.19 - 15:17
Magnús Már Einarsson

Berglind Björg til PSV á láni (Staðfest)

Berglind fagnar marki síðastliðið sumar.

Berglind fagnar marki síðastliðið sumar.

Canon

Mynd: Fótbolti.net - Hafliði Breiðfjörð

Kvennaboltinn
Berglind Björg Þorvaldsdóttir, framherji Breiðabliks og íslenska landsliðsins, hefur gengið til liðs við hollenska félagið PSV Eindhoven á láni. Mbl.is greinir frá þessu í dag.

Um er að ræða lánssamning fram á vor en Berglind verður mætt aftur til Íslands fyrir fyrsta leik Breiðabliks í Pepsi-deildinni þann 2. maí.
„Ég fékk sím­tal eft­ir lands­leik­inn á mánu­dag­inn (gegn Skotum). Þá var mér sagt að liðið hefði áhuga á því að fá mig og ég ákvað að slá til. Mér finnst fínt að fara bara á lán. Það er svo langt und­ir­bún­ings­tíma­bil hérna heima svo það er gam­an að breyta til, brjóta þetta aðeins upp og fá að spila al­vöru leiki þarna úti. Koma svo fersk til baka þegar tíma­bilið byrj­ar,“ sagði Berg­lind við mbl.is.

Varnarmaðurinn Anna Björk Kristjánsdóttir samdi við PSV Eindhoven á dögunum og þær Berglind verða nú liðsfélagar.

Hin 27 ára gamla Berglind varð markadrottning í Pepsi-deildinni síðastliðið sumar með 19 mörk í 18 leikjum en Breiðablik varð bæði Íslands og bikarmeistari á síðasta tímabili.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.