Miðvörðurinn Alexander Freyr Sindrason hefur samið við HK til næstu tveggja ára.
Hann kom til HK að láni frá Haukum um mitt síðastliðið sumar og lék þá sex leiki í Pepsi Max-deildinni.
Alexander, sem er 26 ára, á að baki 127 leiki í deild og bikar, flesta með Haukum, og hefur skorað í þeim sex mörk.
„Boltinn er bara svona. Ég fann að það var kominn tímapunktur fyrir mig að skoða eitthvað nýtt. Ég sé ekki eftir því í dag, mér líður mjög vel í HK. Geggjaður klúbbur," sagði Alexander í viðtali í september.
Það var líf og fjör á skrifstofu HK í dag en áður tilkynnti félagið að Atli Arnarson og Bjarni Gunnarsson framlengdu samninga sína.
HK hafnaði í níunda sæti Pepsi Max-deildarinnar í fyrra en liðið var þá nýliði í deildinni.
Athugasemdir