Fotbolti.net
28.02.19 - 20:58
Arnar Helgi Magnússon

Emil Hallfreðs til Udinese (Staðfest)

Emil Hallfreðs til Udinese (Staðfest)
Canon

Mynd: Fótbolti.net - Hafliði Breiðfjörð

Emil Hallfreðsson er genginn til liðs við Udinese en hann þekkir vel til liðsins eftir að hafa leikið með félaginu á árunum 2016-2018.

Emil lék 58 leiki fyrir liðið á þeim árum.
Emil fór í aðgerð á hné í byrjun desember en hann rifti samning sínum við Frosinone í janúar, Frosinone er í fallsæti ítölsku A-deildarinnar.

Hann hefur æft með Udinese undanfarnar vikur og verið í endurhæfingu þar eftir aðgerðina.

Emil sagði í viðtali við Fótbolta.net á dögunum að endurhæfingin væri á fullu og enn væri eitthvað í það að hann kæmist á völlinn.

„Það er mánuður í að ég geti byrjað að æfa með liði og síðan eru kannski aðrar tvær til fjórar vikur eftir það í að komast í form. Endurhæfingin gengur vel og allt er eins og það á að vera," sagði Emil þann 18. febrúar.

Udinese er í 16. sæti ítölsku deildarinnar, fjórum stigum frá fallsæti.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.