Undankeppni EM í dag - Erfiðir útileikir fyrir Noreg og Spán

Erling Braut Haaland er fjarverandi vegna meiðsla en Norðmenn byrjuðu undankeppnina á 3-0 tapi á Spáni um helgina á meðan Georgía spilaði vináttuleik við Mongólíu og vann 6-1, án þess að nota Kvaratskhelia. Þetta verður erfið þraut fyrir Norðmenn en engu að síður skyldusigur ef frændur okkar vilja eiga möguleika á sæti á EM.

Skotland og Spánn eigast svo við í toppslagi A-riðils eftir að hafa bæði unnið þriggja marka sigra í fyrstu umferð. Scott McTominay skoraði tvennu í sigri Skota á heimavelli gegn Kýpur á meðan Joselu kom inn af bekknum til að setja tvennu og innsigla þannig sigur Spánverja á lokamínútum leiksins gegn Noregi.

A-riðill:
16:00 Georgia - Noregur
18:45 Skotland - Spánn

Tyrkland og Króatía eigast svo við í áhugaverðum D-riðli þar sem Tyrkir eru með þrjú stig eftir nauman sigur gegn Armeníu í fyrstu umferð. Króatar eru aðeins með eitt stig eftir grátlegt jafntefli gegn Wales í fyrstu umferð.

Walesverjar taka á móti Lettlandi og geta komið sér í þokkalega stöðu í toppbáratunni með sigri þar.

Að lokum eru þrír leikir á dagskrá í I-riðli, þar sem topplið Sviss og Rúmeníu eiga heimaleiki við Ísrael og Hvíta-Rússland.

Kósovó og Andorra eigast einnig við í kvöld.

D-riðill:
18:45 Tyrkland - Króatía
18:45 Wales - Lettland

I-riðill:
18:45 Sviss - Ísrael
18:45 Rúmenía - Belarús
18:45 Kósovó - Andorra