Víkingar eru á toppnum með fullt hús og hafa ekki enn fengið á sig mark.
Víkingur hefur farið gríðarlega vel af stað í Bestu deildinni en þeir eru á toppi deildarinnar með fullt hús stiga eftir þrjá leiki spilaða.
Víkingur hefur skorað sjö mörk og eru ekki enn búnir að fá á sig mark í fyrstu leikjunum.
Víkingur hefur skorað sjö mörk og eru ekki enn búnir að fá á sig mark í fyrstu leikjunum.
„Þetta er þriðji leikurinn í röð þar sem þeir eru talsvert betri en andstæðingurinn," sagði Sæbjörn Þór Steinke í Innkastinu fyrr í þessari viku og bætti við:
„Þeir eru ekkert eðlilega sannfærandi."
„Þeir eru ekki búnir að fá á sig mark. Byrjunin hjá þeim er að minna mann á byrjunina hjá Breiðabliki í fyrra," sagði Elvar Geir Magnússon í þættinum.
Breiðablik varð Íslandsmeistari í fyrra en liðið vann fyrstu átta leiki sína í Bestu deildinni á síðustu leiktíð.
„Þeir hafa stimplað sig vel inn í fyrstu þremur leikjunum og líta hrikalega vel út," sagði Óskar Smári Haraldsson í þættinum.
Næsti leikur Víkinga er á morgun gegn KA. Er sá leikur á Víkingsvelli og hefst klukkan 17:00.
Athugasemdir
