Upptaka - Daði Bergs: Vildi sýna mig í Val í stað akademíuþvælu

,,Ég kem heim í sumarfrí eftir slakt gengi seinasta tímabil. Ég var í unglingaliðinu þar sem við urðum meistarar en það var önnur saga hjá aðalliðinu sem féll,\" sagði Daði við Elvar Geir Magnússon í útvarpsþættinum Fótbolta.net í dag.

,,Við vorum að búast við að fá að spila í hollensku 1. deildinni á næsta tímabili en stefna félagsins varð að losa sig við alla útlendinga. Við vorum því miður hluti af þeim svo það var gert samkomulag um starfslok. Þá var spurning að finna sér nýtt félag og mér fannst besti kosturinn að koma aftur í Pepsi deildina og sýna sig þar í stað þess að festa sig í akademíuþvælu,\" hélt Daði áfram.

Valur tilkynnti í morgun að Daði væri kominn til liðs við félagið en var það hans eini kostur?

,,Það voru nokkur félög í Pepsi-deildinni sem komu til greina en Valsmenn fóru af krafti í þetta og voru áhugasamir. Mér fannst það góður kostur, þegar félag sýnir góðan áhuga og að þeir virkilega vilja mig. Ég leit á sem ég fái að spila mikið þar og þetta er gott lið. Valur var sterkur kostur,\" sagði Daði en telur hann sig hafa gæðin fyrir Pepsi-deildina?

,,Það verður að koma í ljós núna, ég ætla ekki að ofpeppa mig neitt. sjáum til ég hef ekki spilað fullorðnisbolta lengi sjáum hvernig gengur. Ég byrjaði að æfa með Val á mánudaginn svo þetta hefur þróast hratt.\"

Adam Örn Arnarson var með Daða hjá NEC í Hollandi og er á heimleið líka. En veit Daði hvert hann mun fara?

,,Ég get ekki alveg sagt um það hann er helvíti þögull eins og með stelpumálin alltaf. Þar sem hann er mikill Blikarunkari hef ég trú á að hann fari þangað. Við skulum bara sjá til,\" sagði Daði.

Hann hafði leikið allan sinn feril með Þrótti þegar hann fór utan í janúar í fyrra en kom ekki til greina að fara þangað?

,,Ég hef alltaf verið mikill Þróttari og hjartað liggur þar en stefnan mín er að komast sem fyrst út og því var ekki besti kostur að fara í 1. deildina,\" sagði Daði.

,,Ég sem til tveggja og hálfs árs við Val. Þetta tímabil og næstu tvö. Ég sé hvernig gengur þetta hálfa tímabil og vonandi kemst ég út sem fyrst. Ég verð bara að sjá til og vera þolinmóður.\"