„Maður grunar að þetta séu réttlát úrslit, en liðin hafa engan áhuga á því að hafa þetta sanngjarnt, liðin vilja vinna. Við byrjuðum leikinn mjög vel sást að við vorum í góðum gír og góð orka í liðinu.", sagði Kristján Guðmundsson þjálfari Stjörnunnar eftir 1-1 jafntefli við topplið Vals fyrr í kvöld.
Lestu um leikinn: Valur 1 - 1 Stjarnan
„Hefðum mátt vera aðeins fínstilltari í þessum sterku sóknum sem við áttum. Við vissum hvernig færi við myndum fá í leiknum, það tók okkur smá tíma að gera það rétt en svo kom markið og það var akkúrat þannig færi sem við vissum að við myndum fá."
„Framlagið allan leikinn var mjög gott, varnarleikurinn hjá liðinu var mjög sterkur og við bjuggum til fín færi, fengum reyndar á okkur nokkur eins og gerist í fótboltaleikjum ef að eitthvað er þá held ég að við hefðum átt að ná að vinna, en jafntefli er niðurstaðan og sennilega réttlát."
Viðtalið má sjá í heild sinni hér að ofan.
Athugasemdir