Fotbolti.net
28.09.16 - 12:06
Elvar Geir Magnússon

Heimir Guðjóns skrifar undir nýjan samning við FH (Staðfest)

Heimir Guðjónsson.

Heimir Guðjónsson.

Canon

Mynd: Fótbolti.net - Ómar Vilhelmsson

Heimir Guðjónsson hefur skrifað undir nýjan tveggja ára samning við Íslandsmeistara FH en þetta kemur fram á Twitter.

Heimir hefur gert FH að Íslandsmeisturum sem aðalþjálfari fimm sinnum en hann tók við liðinu fyrir tímabilið 2008.
Þar á undan var hann aðstoðarþjálfari og fyrirliði FH-inga en hann hefur samtals átta sinnum orðið Íslandsmeistari hjá félaginu.

FH-ingar tryggðu sér Íslandsmeistaratitilinn í ár þegar tvær umferðir voru eftir af mótinu en liðið fær bikarinn í hendurnar eftir síðasta heimaleik sinn á laugardag. Þá verður leikið gegn ÍBV í Kaplakrikanum.

Liðið náði hinsvegar ekki markmiðum sínum í Evrópukeppninni í sumar og féll úr leik gegn ÍBV í undanúrslitum bikarkeppninnar.

Heimir hefur fyrir löngu sannað sig sem einn allra besti þjálfari landsins og er það mikið fagnaðarefni fyrir stuðningsmenn FH að halda honum við stjórnvölinn.

Heimir Guðjónsson hefur skrifað undir nýjan tveggja ára samning við FH! pic.twitter.com/ZaPwekgjED

— FHingar.net (@fhingar) September 28, 2016

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.