Fotbolti.net
28.09.17 - 13:56
Magnús Már Einarsson

Ancelotti rekinn frá Bayern (Staðfest)

Ancelotti rekinn frá Bayern (Staðfest)
Canon

Mynd: Getty Images

Carlo Ancelotti, þjálfari Bayern Munchen, hefur verið rekinn úr starfi en félagið staðfesti þetta nú rétt í þessu.

Bayern steinlá 3-0 gegn PSG í Meistaradeildinni í gærkvöldi og á fundi í dag var Ancelotti tilkynnt að hann hafi verið rekinn. Bayern er í 3. sæti í þýsku Bundesligunni eftir sex umferðir.
„Frammistaða liðsins frá upphafi tímabils hefur ekki náð að uppfylla vætningar okkar,\" sagði Karl-Heinz Rummenigge, forseti Bayern.

Ancelotti tók við Bayern sumarið 2016 eftir að hafa áður stýrt stórliðum eins og AC Milan, Juventus, Chelsea, Real Madrid og PSG.

Ancelotti náði að landa þýska meistaratitlinum með Bayern á síðasta tímabili en það þykir vera algjör lágmarkskrafa á þeim bænum.

Willy Sagnol, aðstoðarþjálfari Bayern, stýrir liðinu tímabundið og verður við stjórnvölinn í leiknum gegn Hertha Berlin á sunnudag áður en framhaldið verður ákveðið.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.