Robert Lewandowski, framherji Bayern Munchen, byrjaði á bekknum í stórtapinu gegn Hoffenheim í gær. Það sem er áhugaverðast við það er að þetta er í fyrsta skiptið í tvö ár sem Lewandowski byrjar á bekknum.
Hansi Flick, þjálfari Bayern, byrjaði með hinn unga Joshua Zirkzee í framlínunni en þá voru Leroy Sane, Thomas Muller og Serge Gnabry allir inn á.
Bayern tapaði leiknum 4-1 en þetta var fyrsta tap Bayern í öllum keppnum á árinu 2020.
Þann 25. september árið 2018 var Lewandowski á bekknum í heimaleik gegn Ausburg og hefur hann byrjað alla leiki síðan þá, þegar hann hefur verið heill heilsu.
Lewandowski kom inn á fyrir Zirkzee eftir 57. mínútna leik en það dugði ekki til og óvænt tap Bayern staðreynd.
Athugasemdir
