Fotbolti.net
28.12.16 - 14:00
Magnús Már Einarsson

Jónas Þór Næs í ÍBV (Staðfest)

Jónas í leik með Val.

Jónas í leik með Val.

Canon

Mynd: Fótbolti.net - Hrafnhildur Heiða Gunnlaugsdóttir

ÍBV hefur gengið frá samningi við færeyska landsliðsmanninn Jónas Þór Næs. Kristján Guðmundsson, þjálfari ÍBV, staðfesti þetta í samtali við Fótbolta.net.

Hinn þrítugi Jónas skrifaði undir tveggja ára samning við ÍBV en hann kemur til félagsins frá B36 í Færeyjum.

Jónas er bakvörður en hann á tæplega 50 landsleiki að baki með Færeyjum.
„Það er gott fyrir ÍBV að fá svona sterkan leiðtoga og reynslumikinn leikmann í hópinn,\" sagði Kristján við Fótbolta.net í dag.

Jónas þekkir til í Pepsi-deildinni því hann spilaði með Val frá 2011 til 2013. Þar spilaði hann meðal annars undir stjórn Kristjáns Guðmundssonar.

Jónas er annar Færeyingurinn sem kemur til ÍBV í vetur en kantmaðurinn Kaj Leó í Bartalsstovu hafði áður samið við félagið eftir að hafa leikið með FH síðari hluta sumars.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.