Fotbolti.net
28.12.19 - 23:30
Guðmundur Aðalsteinn Ásgeirsson

Fyrrum leikmaður Grindavíkur í Liverpool (Staðfest)

Rachel Furness á Anfield.

Rachel Furness á Anfield.

Canon

Mynd: Getty Images

Kvennaboltinn
Liverpool hefur nælt í miðjumanninn Rachel Furness frá Reading, en félagið tilkynnti þetta í dag.
Hin 31 árs gamla Furness hefur verið í láni hjá Tottenham síðustu mánuðina.

Rachel Furness er nafn sem einhverjir Íslendingar kannast við. Hún kom til Grindavíkur fyrir sumarið 2010 og spilaði eitt sumar með félaginu í Pepsi-deildinni. Það sumar lék hún 14 leiki í deild og bikar og skoraði fimm mörk. Hún hjálpaði Grindavík að forðast fall.

Liverpool þarf á allri hjálp að halda í úrvalsdeild kvenna á Englandi. Liðið er í næst neðsta sæti með aðeins þrjú stig eftir tíu leiki. Liverpool hefur ekki enn unnið leik.

Úrvalsdeild kvenna í Englandi fer aftur af stað eftir jólafrí þann 5. janúar og þá mætir Liverpool liði Brighton á útivelli.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.