Hann var ekki í leikmannahópi Liverpool sem vann 3-1 sigur á Arsenal í ensku úrvalsdeildinni í gær.

Liverpool hefur núna staðfest að miðjumaðurinn 29 ára gamli sé með Covid-19. Thiago hefur sýnt örlítil einkenni en heilsa hans er góð. Hann er núna í einangrun.

Thiago, sem var keyptur frá Bayern München á dögunum, hefur verið að glíma við meiðsli og líklegt er að hann snúi aftur á völlinn eftir landsleikjahlé í október.