Fotbolti.net
29.09.21 - 14:15
Sæbjörn Þór Þórbergsson Steinke

Karen María í Breiðablik (Staðfest)

Karen María í leik gegn ÍBV í sumar.

Karen María í leik gegn ÍBV í sumar.

Canon

Mynd: Fótbolti.net - Sævar Geir Sigurjónsson

Kvennaboltinn
Karen María Sigurgeirsdóttir er gengin í raðir Breiðabliks frá Þór/KA. Félagaskiptaglugginn er ekki opinn en Karen fær félagaskipti því samkvæmt reglum FIFA er heimilt að skrá leikmenn utan glugga til að leysa tímabundið af leikmann sem er í fæðingarorlofi. Þannig gátu Blikar skráð Karen í stað Rakelar Hönnudóttur sem er í fæðingarorlofi.
Karen María er tvítugur miðjumaður sem uppalin er hjá KA. Hún á að baki leiki fyrir U17 og U19 ára landslið Íslands og var síðasta vetur í æfingahóp A-landsliðsins.

Í sumar skoraði Karen fimm mörk í átján leikjum fyrir Þór/KA sem endaði í 6. sæti Pepsi Max-deildarinnar. Karen var markahæsti leikmaður liðsins.

Karen María verður til taks þegar Blikar taka á móti PSG næsta miðvikudag í Meistaradeildinni. Hún má hins vegar ekki spila bikarúrslitaleikinn gegn Þrótti á föstudaginn.

Breiðablik er einnig að vinna í því að fá annan leikmann erlendis frá.

Sjá einnig:
Breiðablik vonast til að fá styrkingu fyrir Meistaradeildina

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.