Fotbolti.net
29.11.17 - 11:35
Elvar Geir Magnússon

Pardew nýr stjóri West Brom (Staðfest)

Pardew er mættur til West Brom.

Pardew er mættur til West Brom.

Canon

Mynd: Getty Images

Alan Pardew hefur verið ráðinn nýr stjóri West Brom. Pardew er fyrrum stjóri Newcastle og Crystal Palace.

West Brom rak Tony Pulis þann 20. nóvember eftir að liðið fór í gegnum 20 úrvalsdeildarleiki án þess að fagna sigri og var liðið stigi fyrir ofan fallsæti.
Pardew er 56 ára og hefur verið atvinnulaus síðan hann var rekinn frá Palace í desember 2016.

Hann hefur skrifað undir samning við West Brom til loka tímabils 2019-20 og er sjötti stjóri félagsins síðan 2011.

„Ég er hæstánægður með að fá þetta tækifæri frá Albion og hlakka til að vinna með hópi sem að mínu mati er mjög hæfileikaríkur,\" segir Pardew.

„Áskorunin felst í því að sækja úrslitin sem þurfa til að toga okkur upp töfluna.\"

Fyrsti leikur Pardew við stjórnvölinn verður deildarleikur gegn Palace á laugardaginn. Svo koma útileikir gegn Liverpool og Swansea áður en WBA leikur gegn Manchester United á heimavelli.

Gary Megson stýrði West Brom til bráðabirgða eftir að Tony Pulis var rekinn en hann hefur nú yfirgefið félagið. Megson var aðstoðarmaður Pulis.

Pardew hefur einnig stýrt Reading, West Ham, Charlton og Southampton á 18 ára stjóraferli. Hann tapaði tvisvar í úrslitum FA-bikarsins sem stjóri.

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.