England: Cavani hetja Man Utd - Lagði upp og skoraði tvö

Southampton komst í tveggja marka forystu gegn Manchester United er liðin mættust í ensku úrvalsdeildinni í dag.

Jan Bednarek skoraði með skalla eftir hornspyrnu James Ward-Prowse á 23. mínútu, tíu mínútum síðar tvöfladaði Ward-Prowse forystuna með marki beint úr aukaspyrnu. David de Gea hefði líklegast átt að vera spyrnuna en honum tókst ekki að bjarga marki og virtist hann meiðast við atvikið.

Staðan var 2-0 í leikhlé og gerði Ole Gunnar Solskjær tvær skiptingar. Dean Henderson tók stöðu De Gea í markinu og Edinson Cavani kom inn fyrir Mason Greenwood.

Það tók Cavani aðeins stundarfjórðung að setja mark sitt á leikinn. Hann átti þá góða sendingu á Bruno Fernandes sem fékk pláss í vítateignum og skoraði.

Fernandes endurlaunaði greiðann korteri síðar þegar hann lagði óvart upp fyrir Cavani. Cavani náði að setja hausinn í skot Fernandes og stýra knettinum í netið.

Það var ekki fyrr en í uppbótartíma sem úrslitin réðust. Þá var Cavani aftur á ferðinni og aftur skoraði hann með skalla, í þetta sinn eftir fyrirgjöf Marcus Rashford.

Mögnuð endurkoma Man Utd staðreynd og er Cavani hetjan í Manchester í dag. Sigurinn er afar mikilvægur fyrir Rauðu djöflana sem eru með 16 stig eftir 9 umferðir.