Ítalski markvörðurinn Gianluigi Donnarumma er besti markvörður ársins en hann hafði betur gegn Edouard Mendy um Lev Yashin-verðlaunin í París í kvöld.
Franska tímaritið, France Football, stóð fyrir viðburðarríkri verðlaunahátíð í París þar sem Lionel Messi hlaut meðal annars gullknöttinn í sjöunda sinn.
Yashin-verðlaunin eru svo veitt þeim markverði sem stóð sig best en þau eru skírð í höfuðið á Lev Yashin sem er fyrsti og eini markvörðurinn til að vinna gullknöttinn.
Baráttan stóð á milli Donnarumma og Mendy. Donnarumma kom Milan í Meistaradeildina og var valinn besti leikmaður Evrópumótsins er Ítalía vann mótið í sumar. Mendy vann á meðan Meistaradeild Evrópu með Chelsea.
Donnarumma hreppti verðlaunin. Mendy var í öðru og Jan Oblak í þriðja.
Athugasemdir