Fotbolti.net
30.06.17 - 08:43
Magnús Már Einarsson

Sverrir Ingi til Rostov (Staðfest)

Sverrir Ingi til Rostov (Staðfest)
Canon

Mynd: Fótbolti.net - Hafliði Breiðfjörð

Rússneska félagið FC Rostov hefur keypt íslenska landsliðsmanninn Sverri Inga Ingason í sínar raðir frá spænska félaginu Granada.

Sverrir kom til Granada frá Lokeren í janúar en fyrrnefnda félagið féll úr spænsku úrvalsdeildinni í vor.

Sverrir var með klásúlu í samningi Granada um að mega fara á tvær mlljónir evra og Rostov hefur nú keypt hann. Mörg önnur félög hafa sýnt Sverri áhuga að undanförnu en hann var meðal annars orðaður við Huddersfield og Leeds á Englandi.

Hinn 24 ára gamli Sverrir skrifaði undir þriggja ára samning við Rostov með möguleika á árs framlengingu.
„Ég er ánægður að fá þetta tækifæri að spila fyrir Rostov. Þegar ég heyrði af áhuga þeirra þá fór ég á netið og skoðaði borgina. Ég hef bara heyrt góða hluti um Rostov og hlakka til að búa þar,\" sagði Sverrir eftir undirskrift.

FC Rostov endaði í 6. sæti í rússnesku deildinni á síðasta tímabili en þá tók liðið einnig þátt í riðlakeppni Meistaradeildarinnar. Rostov endaði í 3. sæti í sínum riðli í Meistaradeildinni og fór yfir í Evrópudeildina þar sem liðið tapaði gegn Manchester United.

Big congrats to Sverrir Ingason on his transfer to FC Rostov 🇮🇸👌⚽️ #TeamTotalFootball pic.twitter.com/uRG4MEoNsq

— Total Football (@totalfl) June 30, 2017



Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.