Lestu um leikinn: Þór 5 -  0 Þróttur V.

„Við vorum rosalega þungir. Ég veit ekki hvað menn héldu, þeir koma hérna á Akureyri og það fyrsta sem þú gerir er að bomba þá niður og láta þá finna aðeins fyrir því, fá gul spjöld reyndar, það er bara það sem þarf til að byrja með."

Brynjar var virkilega ósáttur með hugarfar leikmanna í kvöld.

„Mér fannst við algjörlega fara út úr karakter, ég hef enga skýringu á því hvað er að fara í gegnum hausinn á mönnum, það er allavega einhver þvæla sem fór þar í gegn," sagði Brynjar.

„Við horfðum á þetta sem tækifæri til að komast við hliðina á þeim. Við vorum þungir, að einhverju leiti tel ég það vera því við spiluðum á mánudagskvöld og mér fannst það sitja aðeins í mönnum en það er svosem engin afsökun fyrir einu né neinu, við vorum bara lélegir."

Völlurinn var rennandi blautur og menn áttu oft á tíðum erfitt með að fóta sig.

„Menn voru þarna nokkrir eins og beljur á svelli en menn eiga að hafa vit á því að skóbúnaðurinn eigi að vera í lagi, þú veist aldrei hvað gerist, þú stjórnar ekki veðrinu frekar en dómurum og fleiru. Þú getur stýrt því hvað þú gerir, við réðum engan vegin við blautan völl, við vorum bara hörmulegir."

„Ég tek þetta á mig, ég var greinilega ekki nógu skýr í minni taktík því menn voru ekki að gera það sem við höfum verið að gera í síðustu leikjum, ég hélt að það væri kýrskýrt hvað við ætluðum að gera. Það voru nokkrir leikmenn sem ákváðu að fara útúr því og okkur var refsað fyrir það. Þetta er bara fótbolti og það kemur næsti leikur, þessi kemur ekki aftur sem betur fer."

Byrjunarlið Þór :
1. Aron Birkir Stefánsson (m) (f)
0. Bjarki Þór Viðarsson
7. Orri Sigurjónsson
8. Nikola Kristinn Stojanovic
10. Ion Perelló
10. Aron Ingi Magnússon
11. Harley Willard
15. Kristófer Kristjánsson
16. Bjarni Guðjón Brynjólfsson
21. Elvar Baldvinsson
23. Alexander Már Þorláksson

Byrjunarlið Þróttur V. :
1. Þórhallur Ísak Guðmundsson (m)
2. Arnór Gauti Úlfarsson
4. James William Dale
11. Shkelzen Veseli
16. Unnar Ari Hansson (f)
19. Rubén Lozano Ibancos
19. Jón Kristinn Ingason
22. Haukur Leifur Eiríksson
26. Michael Kedman
27. Dagur Guðjónsson
44. Andy Pew