Fotbolti.net
30.07.19 - 08:00
Brynjar Ingi Erluson

Van Dijk um rifrildið við Klopp: Maður verður bara að segja sannleikann

Virgil Van Dijk og Jürgen Klopp

Virgil Van Dijk og Jürgen Klopp

Canon

Mynd: Getty Images

Virgil van Dijk, varnarmaður Liverpool á Englandi, vildi lítið tjá sig um rifrildi hans og Jürgen Klopp, stjóra liðsins, í 3-0 tapinu gegn Napoli í fyrradag.
Liverpool-liðið var afar ólíkt sér í leiknum á meðan Napoli sýndi flotta takta.

Lorenzo Insigne skoraði fyrsta mark leiksins en þá fannst Klopp að Van Dijk hefði átt að verjast betur þó hann átti ekki beinan þátt í markinu. Van Dijk var ósammála honum og skiptust þeir á orðum áður en leikurinn hélt áfram.

Hollenski varnarmaðurinn vildi lítið tjá sig um atvikið við fjölmiðla en hann segir það hafa verið á milli þeirra.

„Þetta er bara á milli mín og Klopp. Það er alveg óþarfi að opinbera það en ég held að það verði allir að geta talað saman," sagði Van Dijk.

„Stundum verður maður bara að segja sannleikann. Það er bara þannig," sagði hann í lokin.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.