Fotbolti.net
30.08.16 - 17:14
Elvar Geir Magnússon

Kolbeinn til Galatasaray (Staðfest)

Bræðurnir Andri og Kolbeinn Sigþórssynir.

Bræðurnir Andri og Kolbeinn Sigþórssynir.

Canon

Mynd: Instagram

Kolbeinn Sigþórsson er orðinn leikmaður Galatasaray en þetta staðfestir hann á Instagram síðu sinni. Þar birti hann mynd af sér með bróður sínum og umboðsmanni, Andra Sigþórssyni, og saman halda þeir á treyju tyrkneska félagsins.
„Stoltur af því að hafa gengið í raðir þessa ótrúlega félags,\" skrifaði Kolbeinn á Instagram.

Um er að ræða lánssamning út tímabilið frá Nantes í Frakklandi en tyrkneska félagið ku svo eiga möguleika á því að kaupa hann alfarið eftir tímabilið. Galatasaray hefur lengi haft áhuga á því að fá Kolbein og reyndi að fá hann í fyrra áður en hann fór í Nantes.

Kolbeinn gekk til við Nantes fyrir síðasta tímabil en skoraði aðeins þrjú mörk í 26 deildarleikjum fyrir franska liðið síðasta tímabil.

Galatasary er sigursælasta lið Tyrklands en olli miklum vonbrigðum á síðasta tímabili þar sem liðið endaði í 6. sæti og komst því ekki í Evrópukeppni. Liðið er með sigra í báðum leikjum sínum í tyrknesku deildinni á þessu tímabili.

Kolbeinn flaug í gegnum læknisskoðun hjá Galatasaray en næsta verkefni hans verður þó með íslenska landsliðinu þar sem leikið er gegn Úkraínu ytra næsta mánudag.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.