Fotbolti.net
30.09.19 - 20:46
Magnús Már Einarsson

Emil Ásmunds í KR (Staðfest)

Emil í leik gegn KR í fyrra.

Emil í leik gegn KR í fyrra.

Canon

Mynd: Fótbolti.net - Einar Ásgeirsson

Íslandsmeistarar KR hafa fengið miðjumanninn Emil Ásmundsson til liðs við sig frá Fylki. Samningur Emils við Fylki er að renna út og hann gerir þriggja ára samning við KR.

Í fyrra breyttust reglur á Íslandi með þeim hætti að félög mega ræða við samningslausa leikmenn með hálfs árs fyrirvara. KR nýtti sér það í sumar eins og Fótbolti.net greindi frá í júlí.
„Við KR-ingar bindum miklar vonir við Emil og væntum mikils af honum. Við höfum lengi haft augastað á honum og bjóðum hann velkominn í Vesturbæinn," segir á heimasíðu KR.

Hinn 24 ára gamli Emil er uppalinn í Fylki en hann var í vara og unglingaliði Brighton í Englandi frá 2013 til 2016.

Í sumar meiddist Emil illa í fyrsta leik Fylkis en hann skoraði eitt mark í átta leikjum í Pepsi Max-deildinni.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.