Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 30. nóvember 2020 21:39
Victor Pálsson
Ítalía: Gervinho sá um Genoa
Mynd: Getty Images
Genoa 1 - 2 Parma
0-1 Gervinho('10)
0-2 Gervinho('47)
1-2 Eldor Shomurodov('50)

Gervinho, fyrrum leikmaður Arsenal og Roma, var í essinu sínu í kvöld er Parma mætti Genoa í Serie A á Ítalíu.

Gervinho hefur reynst frábær fengur fyrir Parma en hann stoppaði við í Kína áður en hann hélt aftur í ítölsku úrvalsdeildina.

Sóknarmaðurinn reyndist hetja Parma í kvöld sem mætti Genoa á útivelli og skoraði bæði mörkin í 2-1 sigri.

Eldor Shomurodov gerði eina mark Genoa á 50. mínútu en það reyndist ekki nóg fyrir heimamenn.

Parma lyfti sér upp í 16. sæti deildarinnar með sigrinum en Genoa er enn í fallsæti, þremur stigum frá öruggu sæti.

Athugasemdir
banner
banner
banner
banner