Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 30. nóvember 2021 17:30
Sæbjörn Þór Þórbergsson Steinke
Berglind: Ótrúlega spennt að sjá hana hjá Everton
Icelandair
Létt yfir Berglindi og liðsfélögum hennar á æfingu í gær.
Létt yfir Berglindi og liðsfélögum hennar á æfingu í gær.
Mynd: Fótbolti.net - Jónína Guðjörg Guðbjartsdóttir
Við Hallbera hittumst reglulega.
Við Hallbera hittumst reglulega.
Mynd: Fótbolti.net - Jónína Guðjörg Guðbjartsdóttir
Hún er bara frábær
Hún er bara frábær
Mynd: Fótbolti.net - Jónína Guðjörg Guðbjartsdóttir
Ótrúlega gaman að hafa unnið og skorað
Ótrúlega gaman að hafa unnið og skorað
Mynd: Fótbolti.net - Hafliði Breiðfjörð
Berglind Björg Þorvaldsdóttir sat fyrir svörum á fréttamannafundi á laugardag. Berglind er í byrjunarliði Íslands sem mætir Kýpur og skoraði annað mark liðsins úr vítaspyrnu.

Lestu um leikinn: Kýpur 0 -  4 Ísland

Hér má sjá öll svör Berglindar við spurningum fréttamannafundi.

Flottur leikur frá A-Ö
Hvernig meturu leikinn gegn Japan?

„Við vorum gríðarlega skipulagðar í þessum leik. Við vorum að pressa hátt upp á velli og það skilaði sér, því þær áttu varla færi. Þetta var mjög flottur leikur frá A til Ö." Berglind var spurð hvort hún gerði kröfu á byrjunarliðssæti gegn Kýpur en það sagðist hún ekki gera og tæki því hlutverki sem hún fengi. Eins og áður segir er Berglind í liðinu.

Gaman að fá markið skráð á sig
Hvernig var tilfinning að skora gegn Japan?

„Mjög góð, það var gaman að fá markið skráð á sig," sagði Berglind og hló. Hún fékk ekki mark - sem hún virtist í fyrstu hafa skorað - skráð á sig gegn Tékklandi á dögunum.

„Ég öskraði á Sveindísi, hún tók hann í fyrsta og kom með þessa frábæru sendingu. Ég þurfti bara að stýra honum í netið. Þetta var mjög ljúft."


Hún segist vera í góðu standi eftir meiðsli og er tilbúinn í leikinn við Kýpur. „Ég er í fínu standi, var að díla við meiðsli í hnjánum en er núna í fínu standi."

Gekk ekki nógu vel
Hvernig fannst þér ganga á tímabilinu?

„Þetta gekk ekki nógu vel ef ég á að vera hreinskilin. Á fyrri hlutanum voru þær frekar góðar og vorum í þriðja sæti fyrir hlé. Í seinni hlutanum gekk ekki nægilega vel. Við vildum klárlega tryggja Evrópusæti en það gekk ekki. Leiðinlegt, en við lærum bara af þessu," sagði Berglind sem gekk í raðir Hammarby um mitt sumar frá franska liðinu Le Havre.

Hvernig fannst þér þín eigin frammistaða?

„Ég hefði klárlega viljað skora fleiri mörk og hafa meiri áhrif framarlega á vellinum. En það er alltaf erfitt að koma inn í nýtt lið.Svo er líka spurning um heppni, ég hefði getað skorað fleiri mörk en þetta er bara reynsla og vonandi verður þetta betra á næsta ári."

Veit aldrei hvað gerist í þessum fótboltaheimili
Hún verður áfram í herbúðum Hammarby þar sem hún er með samning út næsta ár.

„Eins og staðan er núna, þá verð ég áfram en maður veit aldrei hvað gerist í þessum fótboltaheimi," sagði Berglind.

Gott fyrir sálina
Er ekki ágætis veður á Kýpur?

„Jú, mjög gott veður, 22 gráður eins og staðan er núna og smá sól. Það er gott fyrir sálina."

Skellur að vera á fréttamannafundi en ekki í sólbaði?

„Nei, það er mjög gaman að vera hér," sagði Berglind og hló.

Sigurinn er það sem telur
Við hefðum getað gert meira gegn Kýpur síðast. Hvernig meturu það og hvernig leggst leikurinn í þig?

„Við gerðum okkar og unnum góðan sigur þannig ég veit ekki um að gera meira. Við hefðum mögulega viljað nýta fleiri færi og skora fleiri mörk. En við unnum góðan sigur og það er það sem telur."

Ótrúlega spennt að sjá hana hjá Everton
Hversu góð er Cecilía á æfingum?

„Ég segi það sama og Agla María sagði en hún er bara frábær. Hún er að bæta sig gríðarlega milli verkefna og ég er ótrúlega spennt að sjá hana hjá Everton, hvernig hún verður þar."

Þetta var eitthvað annað dæmi
Þú skoraðir þegar áhorfendamet var sett í Svíþjóð í haust. Hvernig var tilfinningin?

„Það var svakalegt, skemmtilegt augnablik að þetta var fyrsta markið mitt. Þetta var ótrúlegt, stuðningsmenn Hammarby eru geggjaðir og mæta um 2000 stuðningsmenn á alla leiki. Þetta var eitthvað annað dæmi og bara ótrúlega gaman að hafa unnið og skorað."

Skemmir ekki fyrir að hafa Hallberu nálægt
Hvernig ertu að fíla þig í Svíþjóð?

„Bara mjög vel, Stokkhólmur er geggjuð borg og það skemmir ekki fyrir að hafa Hallberu þarna rétt hjá sér. Við hittumst reglulega. Þetta er ljúft líf," sagði Berglind að lokum.
Athugasemdir
banner
banner
banner
banner
banner