Paul Pogba á aðeins eitt ár eftir af samningi sínum við Manchester United.
PSG hefur áhuga á leikmanninum en Sky Sports greinir frá því að með komu Jadon Sancho og Raphael Varane til United vilji Pogba vera áfram hjá félaginu.
Jafnframt segir að samband hans og Solskjær sé gott og hann sé spenntur fyrir komandi tímum hjá félaginu.
Hann er orðinn 28 ára gamall og býst við því að næsti samningur hans verði sá síðasti. Hann ætlar hinsvegar að skoða sín mál vel og þó hann verði ekki búinn að skrifa undir samning við United þegar hann rennur út þýði það ekki að hann muni ekki framlengja.
Athugasemdir