Fotbolti.net
31.08.16 - 21:48
Alexander Freyr Tamimi

Liðsfélagi Gylfa lánaður til Blackburn (Staðfest)

Marvin Emnes í leik með Swansea.

Marvin Emnes í leik með Swansea.

Canon

Mynd: Getty Images

Blackburn Rovers hefur fengið sóknarmanninn Marvin Emnes á láni frá Swansea fram til 15. janúar 2017. Þetta staðfesti félagið á heimasíðu sinni.
Þessi 28 ára gamli Hollendingur gekk í raðir Middlesbrough sumarið 2008 eftir að hann hafði slegið í gegn hjá uppeldisfélaginu Sparta Rotterdam í heimalandinu.

Emnes gekk í raðir Swansea í janúar 2014 eftir að hafa skorað 31 mark í 162 leikjum fyrir Middlesbrough. Hann hafði áður verið á láni hjá Swansea frá Boro í mánuð.

Hollendingurinn átti erfitt með að festa sig í sessi í liði Swansea eftir að Michael Laudrup var rekinn og skoraði hann einungis þrjú mörk í 24 leikjum á síðustu tveimur tímabilum.

Blackburn er á botni Championship deildarinnar með eitt stig eftir fimm leiki.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.