Fotbolti.net
31.08.16 - 21:42
Alexander Freyr Tamimi

Liverpool lánar Markovic til Sporting (Staðfest)

Lazar Markovic hefur verið lánaður.

Lazar Markovic hefur verið lánaður.

Canon

Mynd: Getty Images

Liverpool hefur lánað serbneska landsliðsmanninn Lazar Markovic til portúgalska stórliðsins Sporting út tímabilið. Þetta staðfesti enska úrvalsdeildarfélagið rétt í þessu.

Markovic hefur spilað 34 leiki fyrir Liverpool í hinum ýmsu stöðum en hann var lánaður til Fenerbahce í Tyrklandi á síðustu leiktíð eftir að hafa gengið í raðir Liverpool frá Benfica sumarið 2014.
Markovic er einungis 22 ára gamall og virðist ekki vera hluti af nánustu framtíðaráformum Jurgen Klopp. Hann á 21 landsleik að baki fyrir Serbíu, en uppeldisfélag hans er Partizan Belgrad í heimalandinu.

Liverpool hefur losað sig við fjöldan allan af leikmönnum í félagaskiptaglugganum, en fyrr í kvöld gekk Mario Balotelli í raðir Nice.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.