31.08.19 - 07:00
Ívan Guðjón Baldursson
Southampton lánar Elyounoussi til Celtic (Staðfest)


Mynd: Getty Images


Mynd: Getty Images
Skosku meistararnir í Celtic eru búnir að tryggja sér norska kantmanninn Mohamed Elyounoussi á lánssamningi út leiktíðina.
Elyounoussi er 25 ára og var keyptur til Southampton fyrir 16 milljónir punda síðasta sumar en fann aldrei taktinn í enska boltanum.
Hann hefur alltaf verið iðinn við markaskorun en sú lyst brást honum hjá Southampton þar sem hann fékk að spila 19 leiki á síðustu leiktíð, án þess að koma knettinum í netið.
Elyounoussi hefur skorað 5 sinnum í 22 landsleikjum fyrir Noreg og er afar hæfileikaríkur. Hann vann norsku deildina með Molde 2014 og þá svissnesku með Basel 2017 þannig hann er vanur því að vera í titilbaráttu, líkt og Celtic er í á hverju ári í Skotlandi.
Hann afgreiddi Celtic í riðlakeppni Evrópudeildarinnar 2015, þar sem hann skoraði og lagði upp bæði á heimavelli og útivelli. Það haustið vann Molde óvænt riðil sem innihélt einnig Fenerbahce og Ajax.
Hann hefur alltaf verið iðinn við markaskorun en sú lyst brást honum hjá Southampton þar sem hann fékk að spila 19 leiki á síðustu leiktíð, án þess að koma knettinum í netið.
Elyounoussi hefur skorað 5 sinnum í 22 landsleikjum fyrir Noreg og er afar hæfileikaríkur. Hann vann norsku deildina með Molde 2014 og þá svissnesku með Basel 2017 þannig hann er vanur því að vera í titilbaráttu, líkt og Celtic er í á hverju ári í Skotlandi.
Hann afgreiddi Celtic í riðlakeppni Evrópudeildarinnar 2015, þar sem hann skoraði og lagði upp bæði á heimavelli og útivelli. Það haustið vann Molde óvænt riðil sem innihélt einnig Fenerbahce og Ajax.
