Fotbolti.net
31.10.18 - 08:30
Magnús Már Einarsson

Helgi Þór aftur í Víði (Staðfest) - Þrír aðrir semja

Helgi Þór Jónsson er kominn aftur í uppeldisfélag sitt Víði.

Helgi Þór Jónsson er kominn aftur í uppeldisfélag sitt Víði.

Canon

Mynd: Fótbolti.net - Sævar Geir Sigurjónsson

Víðir Garði hefur fengið framherjann Helga Þór Jónsson aftur í sínar raðir eftir dvöl hjá Njarðvík og Keflavík síðastliðið sumar.

Hinn 24 ára gamli Helgi er uppalinn í Víði en hann hefur skorað 31 mark í 72 leikjum með liðinu. Helgi skoraði tíu mörk þegar Víðir fór upp úr 3. deildinni 2016 og níu mörk í 2. deildinni í fyrra.

Í sumar skoraði Helgi þrjú mörk í þrettán leikjum með Njarðvík í Inkasso-deildinni fyrri hluta tímabils áður en hann fór í Keflavík þar sem hann skoraði eitt mark í fimm leikjum í Pepsi-deildinni.
Erik Oliversson tvítugur markmaður, fæddur í Þýskalandi, hefur einnig samið við Víði. Erik er uppalinn í Garðinum.

Brynjar Bergmann Björnsson og Nathan Ward hafa einnig framlengt samninga sína við Víðismenn sem enduðu í 9. sæti í 2. deildinni í sumar.

Hólmar Örn Rúnarsson tók við þjálfun Víðis á dögunum en Guðjón Árni Antoníusson, sem var áður þjálfari liðsins, verður aðstoðarþjálfari með honum.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.