Jose Mourinho, stjóri Manchester United.
Jose Mourinho, stjóri Manchester United, hefur verið ráðinn sérfræðingur á rússnesku sjónvarpsstöðinni RT, Russia Today, og mun starfa fyrir stöðina yfir HM í fótbolta.
Mourinho verður í Moskvu meðan á mótinu stendur og líklegt að hann verði sérfræðingur á leik Íslands og Argentínu þann 16. júní en hann fer fram í borginni.
Mourinho verður í Moskvu meðan á mótinu stendur og líklegt að hann verði sérfræðingur á leik Íslands og Argentínu þann 16. júní en hann fer fram í borginni.
RT er umdeild sjónvarpsstöð og hefur verið sökuð um að vera áróðursmiðill fyrir forsetann Vladimir Putin og stjórnar hans.
„Ég hlakka til að mæta á HM í Rússlandi í sumar og deila innsýn minni í leikjunum," segir Mourinho.
Peter Schmeichel, fyrrum markvörður Manchester United, verður einnig í sérfræðingateymi RT á mótinu.
Í síðustu viku tilkynnti RÚV að Eiður Smári og Gummi Ben verði í þeirra teymi á mótinu.
Athugasemdir
