---

Liverpool reiknar með að Manchester City komi með þriðja tilboðið í Raheem Sterling. Liverpool er tilbúið að selja Sterling á 50 milljónir punda. (Liverpool Echo)

Manchester United er tilbúið að eyða 150 milljónum punda í nýja leikmenn. Þar á meðal eru Jasper Cillesen markvörður Ajax, Sergio Ramos og Karim Benzema hjá Real Madrid sem og Bastian Schweinsteiger hjá FC Bayern. (Daily Mirror)

Dick Advocaat ætlar að gera Georginio Wijnaldum miðjumann PSV að dýrasta leikmanni í sögu Sunderland. (Daily Mirror)

Iklay Gundogan verður mögulega áfram hjá Borussia Dortmund þrátt fyrir að hafa verið orðaður við Manchester United. (Sueddeutsche Zeitung)

Newcastle ætlar að selja Papiss Cisse og fá Florian Thauvin framherja Marseille til að fylla hans skarð. (Newcstle Chronicle)

Swansea er tilbúið að selja Michu á fjórar milljónir punda en hann var í láni hjá Napoli á síðasta tímabili. (Daily Star)

Varnarmaðurinn Luke Garbutt er að gera nýjan samning við Everton en hann mun síðan skella sér til Bournemouth á láni. (Guardian)

Manchester City ætlar að fá Jack Wilshere frá Arsenal ef félagið nær ekki að krækja í Paul Pogba frá Juventus. (Sun)

Gerard Deulofeu, miðjumaður Barcelona, er í viðræðum við Everton. (Liverpool Echo)

Phil Jones mun krota undir nýjan samning hjá Manchester United í vikunni. (Daily Mail)

Newcastle ætlar að bjóða Charlie Austin að fá treyju númer 9. (Daily Star)

Fenerbahce vill kaupa Nani frá Manchester United á 7 milljónir punda. (Daily Mail)