---

Arsene Wenger, stjóri Arsenal, segist ekki hafa reynt að fá Anthony Martial því að hann var viss um að Monaco myndi ekki selja hann. Manchester United keypti Martial á dögunum. (Daily Star)

Jose Mourinho hefur hótað að taka lykilmenn úr liðinu ef að þeir fara ekki að rífa sig í gang eftir dapra byrjun á tímabilinu. (Daily Express)

Jamie Redknapp segir ekki rétt að það sé herferð í gangi til að reka Brendan Rodgers frá Liverpool. (Liverpool Echo)

Rodgers telur að Liverpool hefði unnið bikar og endað í topp fjórum ef Daniel Sturridge hefði ekki verið meiddur á síðasta tímabili. (Liverpool Echo)

Louis van Gaal, stjóri Manchester United, telur að það hafi hjálpað liðinu að losa sig við nokkra leikmenn úr hópnum. (ESPN Football)

Faðir Alex Oxlade-Chamberlain og Arsene Wenger hafa sagt honum að vera meira hrokafullur. (Sun)

Möguleiki er á að Lionel Messi verði frá í styttri tíma en átta vikur eins og óttast var. (Ole)

Stuðningsmenn í ensku úrvalsdeildinni ætla að mótmæla háu miðaverði á leikjum um næstu helgi. (Daily Mirror)

Everton og Tottenham ætla að reyna að fá Andrea Ranocchia varnarmann Inter í janúar. (Talksport)