Pétur Ásbjörn til Völsungs (Staðfest)

Pétur kemur á láni frá Álftanesi en hann hefur einnig spilað fyrir Hamar, Markaregn og Hauka þar sem hann á að baki leiki í Pepsi-deild karla og 1. deild.

Pétur sem er fæddur 1989 er miðjumaður en getur sömuleiðis spilað vörn.

Völsungur mætir Gróttu á útivelli í kvöld er 14 umferð 2. deildar fer fram og að öllum líkindum spilar hann sinn fyrsta leik fyrir félagið þar.

Þess má geta að Pétur er sonur Sigríðar Klingenberg spákonu.

Völsungur er í 2. sæti 2. deildar sem stendur og í harðri baráttu um að komast upp.