Fotbolti.net
01.09.17 - 14:56
Magnús Már Einarsson

Hólmar Örn til Levski Sofia á löngum lánssamningi (Staðfest)

Hólmar Örn Eyjólfsson.

Hólmar Örn Eyjólfsson.

Canon

Mynd: Fótbolti.net - Hafliði Breiðfjörð

Hólmar Örn Eyjólfsson hefur gengið til liðs við Levski Sofia í Búlgaríu. Hólmar kemur á fjögurra ára lánssamningi frá Maccabi Haifa í Ísrael.

Hólmar kom til Maccabi Haifa frá Rosenborg í lok síðasta árs. Hann var hins vegar úti í kuldanum þar eftir þjálfarabreytingar í sumar. Sex erlendir leikmenn mega vera hjá hverju félagi í Ísrael en á endanum fékk Hólmar að fara á löngum lánssamningi. Maccabi getur ekki kallað hann til baka úr láni.
„Nýi þjálf­ar­inn vildi fá sex er­lenda leik­menn sem hann veldi sjálf­ur og þess­vegna eru all­ir út­lend­ing­arn­ir sem voru í röðum fé­lags­ins farn­ir. For­ráðamenn Haifa vildu fá eina millj­ón evra fyr­ir mig en um leið var erfitt fyr­ir önn­ur fé­lög að kaupa mig í lok fé­laga­skipta­glugg­ans vegna út­lend­inga­kvót­ans. Á end­an­um var lausn­in sú að fara á fjög­urra ára lán, því þeir vildu ekki hafa eina millj­ón evra í mín­us í sín­um bók­um,\" sagði Hólm­ar við mbl.is um félagaskiptin.

Hinn 27 ára gamli Hólmar hefur einnig leikið með West Ham, Cheltenham, Roeselare og Bochum erlendis.

Levski Sofia er í 5. sæti í búlgörsku deildinni eftir sjö umferðir en liðið á leik til góða. Sigur þar myndi koma liðinu upp að hlið CSKA Sofia á toppnum.

Þjálfari Levski er Delio Rossi, fyrrum þjálfari Lazio og Fiorentina. Á meðal leikmanna liðsins er spænski miðjumaðurinn Jordi Gomez sem spilaði áður með Wigan og Sunderland.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.