mán 02. mars 2020 09:30
Magnús Már Einarsson
Lovren: Við skömmumst okkar fyrir leikinn við Watford
Lovren var í byrjunarliði í úrvalsdeildinni í fyrsta skipti síðan í desember.
Lovren var í byrjunarliði í úrvalsdeildinni í fyrsta skipti síðan í desember.
Mynd: Getty Images
Dejan Lovren, varnarmaður Liverpool, segir að leikmenn liðsins skammist sín fyrir 3-0 tapið gegn Watford á laugardaginn.

„Það er eins og einhver hafi slegið okkur í andlitið og við verðskulduðum þetta. Við skömmumst okkar svolítið því að það er engin afsökun fyrir þessari frammistöðu," sagði Lovren.

„Þetta er mjög sárt því að frá uphpafi til enda vantaði atriði hjá okkur sem eru vanalega í lagi. Stjórinn horfði á okkur í klefanum og ég held að hann hafi vitað að það var eitthvað sem vantaði."

„Þetta snerist um grimmd þegar við töpuðum boltanum og við vorum ekki nægilega fljótir að ná honum aftur."

„Vanalega er þetta ekkert vandamál fyrir okkur en gegn Watford voru þeir alltaf að vinna seinni boltana og það er ekki líkt okkur. Við þurfum að skoða þetta og átta okkur á því að þurfum að gera mun betur."

Athugasemdir
banner
banner