Real er á fleygiferð og búið að vinna fimm leiki í röð en það sama er ekki hægt að segja um Getafe sem er aðeins með einn sigur í síðustu fimm leikjum.

Getafe er þrátt fyrir það með fínasta lið og situr í sjötta sæti sem stendur, sem er Evrópusæti.

Áður en viðureignin fer af stað munu tveir aðrir leikir fara fram. Real Sociedad mætir botnliði Espanyol og Eibar spilar við Osasuna.

Sociedad er búið að tapa fjórum í röð og vonast til að snúa því slaka gengi við í dag gegn liði sem er tíu stigum frá öruggu sæti í deildinni.

Leikir dagsins:
17:30 Real Sociedad - Espanyol
17:30 Eibar - Osasuna
20:00 Real Madrid - Getafe (Stöð 2 Sport 2)