Vilja Anderson frekar en Wharton - Napoli á eftir Mainoo - Atlético í baráttuna um Guehi
   sun 02. október 2022 12:41
Brynjar Ingi Erluson
Ítalía: Stórt tap í fyrsta byrjunarliðsleik Mikaels
Lazio 4 - 0 Spezia
0-0 Ciro Immobile ('3 , Misnotað víti)
1-0 Mattia Zaccagni ('12 )
2-0 Alessio Romagnoli ('24 )
3-0 Sergej Milinkovic-Savic ('61 )
4-0 Sergej Milinkovic-Savic ('90 )

Íslenski landsliðsmaðurinn Mikael Egill Ellertsson var í byrjunarliði Spezia í fyrsta sinn í Seríu A er liðið tapaði fyrir Lazio, 4-0, í Róm í dag.

Mikael Egill hefur verið koma inná hjá Spezia á þessari leiktíð og nýtt þær mínútur ágætlega, en í dag fékk hann að byrja sinn fyrsta leik fyrir félagið.

Lazio gat tekið forystuna strax á 3. mínútu eftir að Ethan Ampadu braut klaufalega á Ciro Immobile innan teigs. Immobile, sem er nú oftast öruggur á punktinum, þrumaði boltanum hátt yfir markið.

Það kom ekki að sök. Mattia Zacagni kom Lazio yfir níu mínútum síðar áður en Alessio Romagnoli tvöfaldaði forystuna með glæsilegu marki á 24. mínútu. Hann fékk boltann rétt fyrir utan teig, tók hann á lofti og smurði hann neðst í hægra hornið.

Serbneski miðjumaðurinn Sergej Milinkovic-Savic gerði þriðja mark Lazio á 61. mínútu og fjórum mínútum síðar fór Mikael Egill af velli.

Milinkovic-Savic bætti við öðru marki sínu og fjórða marki Lazio svo undir lok leiks. Lokatölur 4-0 fyrir Lazio sem er í 3. sæti með 17 stig, en Spezia situr í 12. sæti með 8 stig.

Sara Björk byrjaði í sigri

Íslenski landsliðsfyrirliðinn, Sara Björk Gunnarsdóttir, var í byrjunarliði Juventus sem vann 3-0 sigur á Pomigliano í Seríu A í dag.

Sara fór af velli á 55. mínútu leiksins en Juventus er í 3. sæti deildarinnar með 11 stig eftir fimm leiki.
Stöðutaflan Ítalía Serie A - karlar
  L U J T ms: mf: mun Stig
1 Milan 13 8 4 1 19 9 +10 28
2 Roma 12 9 0 3 15 6 +9 27
3 Napoli 12 8 1 3 19 11 +8 25
4 Inter 12 8 0 4 26 13 +13 24
5 Bologna 12 7 3 2 21 8 +13 24
6 Como 13 6 6 1 19 7 +12 24
7 Juventus 13 6 5 2 17 12 +5 23
8 Lazio 13 5 3 5 15 10 +5 18
9 Udinese 13 5 3 5 14 20 -6 18
10 Sassuolo 13 5 2 6 16 16 0 17
11 Cremonese 12 3 5 4 13 16 -3 14
12 Torino 12 3 5 4 11 21 -10 14
13 Atalanta 12 2 7 3 14 14 0 13
14 Cagliari 13 2 5 6 13 19 -6 11
15 Genoa 13 2 5 6 13 20 -7 11
16 Parma 13 2 5 6 9 17 -8 11
17 Pisa 12 1 7 4 10 16 -6 10
18 Lecce 12 2 4 6 8 16 -8 10
19 Fiorentina 12 0 6 6 10 19 -9 6
20 Verona 13 0 6 7 8 20 -12 6
Athugasemdir
banner
banner