Í þriðja sinn sem hann fær á sig sjö mörk

Celtic tapaði 7-1 fyrir Borussia Dortmund í Meistaradeildinni í gær en Brendan Rodgers stjóri liðsins er með þann vafasama heiður að vera eini stjórinn sem hefur oftar en einu sinni fengið á sig sjö mörk í leik í keppninni.

Þetta var í þriðja sinn sem skoska liðið fær á sig sjö mörk í leik í Meistaradeildinni undir hans stjórn.

„Þeir voru miskunnarlausir og refsuðu fyrir öll mistök sem við gerðum. Við byrjuðum illa og gáfum ódýr mörk. Það eru lið í þessari keppni sem eru í allt öðrum flokki en við og það verður því miður erfitt fyrir okkur að komast þangað," sagði Rodgers eftir leikinn.