Fotbolti.net
03.01.18 - 23:11
Guðmundur Aðalsteinn Ásgeirsson

Aron Freyr í Keflavík (Staðfest)

Aron Freyr hér ásamt Jónasi Guðna Sævarssyni, framkvæmdastjóra.

Aron Freyr hér ásamt Jónasi Guðna Sævarssyni, framkvæmdastjóra.

Canon

Mynd: Keflavík

Aron Freyr Róbertsson samdi við Keflavík í kvöld. Hann kemur til Keflavíkur frá nágrönnunum í Grindavík.

Fótbolti.net greindi frá því fyrr í dag að Aron Freyr væri á leið til Keflavíkur á nýjan leik.

Hinn 21 árs gamli Aron Freyr var samningsbundinn Grindavík út tímabilið og því þarf Keflavík að kaupa hann í sínar raðir.
Aron Freyr spilaði 18 leiki með Grindavík í Pepsi-deildinni í fyrra. Með hjálp hans endaði Grindavík í fimmta sæti Pepsi-deildarinnar og kom sparkspekingum á óvart.

Góð frammistaða Arons á fyrri hluta tímabilsins skilaði honum sæti í U21 árs landsliðinu. Síðari hluta tímabilsins átti hann hins vegar ekki fast sæti í byrjunarliði Grindvíkinga.

Aron lék með bæði Keflavík og Víði Garði í yngri flokkunum. Í mars 2016 fór hann frá Keflavík yfir til Grindavíkur. Núna er hann kominn aftur til Keflavíkur.

Keflavík komst upp í Pepsi-deildina á nýjan leik síðastliðið haust en Aron er fyrsti nýi leikmaðurinn sem félagið fær í sínar raðir fyrir næsta leiktímabil.

Bojan Stefán Ljubicic er að æfa með Keflavík þessa daganna og gæti gengið aftur í raðir félagsins.

Hann er laus undan samningi hjá Fjölni en hann er uppalinn í Keflavík.

Bojan lék 11 leiki með Fjölni í deild og bikar á síðasta tímabili en hann hefur ennig spilað með Fram á ferli sínum auk þess að hafa áður verið hjá Keflavík.
Aron Freyr lék með Grindavík á síðasta tímabili.

Aron Freyr lék með Grindavík á síðasta tímabili.

Canon

Mynd: Fótbolti.net - Benóný Þórhallsson

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.