Fotbolti.net
03.01.19 - 19:30
Guðmundur Aðalsteinn Ásgeirsson

Naldo semur við Mónakó (Staðfest)

Naldo semur við Mónakó (Staðfest)
Canon

Mynd: Getty Images

Mónakó ætlar að styrkja sig í þessum félagaskiptaglugga en félagið er búið að semja við brasilíska miðvörðinn Naldo. Hann kemur frá Schalke 04 í Þýskalandi.
Hinn 36 ára gamli Naldo hefur verið í rúm 13 ár í Þýskalandi og spilað fyrir Wolfsburg, Werder Bremen og Schalke.

Naldo samdi við Schalke sumarið 2016, en hann hefur lítið spilað á þessari leiktíð.

Hann mun koma inn með reynslu í lið Mónakó sem hefur fengið á sig 29 mörk í 18 leikjum í frönsku úrvalsdeildinni. Aðeins Guingamp, Dijon og Amiens hafa fengið á sig fleiri mörk.

Lærisveinar Thierry Henry hafa verið í miklum vandræðum á þessu tímabili. Liðið er sem stendur í næst neðsta sæti frönsku úrvalsdeildarinnar.

Cesc Fabregas, miðjumaður Chelsea, er líka sagður á leiðinni til Mónakó.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.