03.06.24 - 11:14
Sæbjörn Þór Þórbergsson Steinke
Ekki hræddur um að missa sinn mann í bann - „Danijel Djuric er mjög misskilinn"
Danijel Djuric.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Danijel Djuric.
Mynd: Fótbolti.net - Hafliði Breiðfjörð
Danijel Dejan Djuric, leikmaður Víkings, var eftir leikinn gegn Breiðabliki sakaður um að hafa kastað vatnsbrúsa í andlit trommara Kópacabana, stuðmingsmannasveitar Breiðabliks. Breiðablik staðfesti í kjölfarið að félagið væri að skoða atvik sem upp hefði komið eftir stórleikinn.
TENGT EFNI
Breiðablik skoðar atvik eftir stórleikinn - Sagður hafa kastað brúsa í stuðningsmann
Hafliði Breiðfjörð ræddi við Arnar Gunnlaugsson, þjálfara Víkings, eftir sigurinn gegn Fylki í gær og var Arnar spurður út í Danijel.
„Ég er búinn að ræða við hann, segi honum bara að vera jákvæður. Danijel Djuric er mjög misskilinn, auðvitað er þetta töffari, en þetta er ungur maður með tilfinningar. Umræðan í kringum Skagaleikinn fékk á hann og það sást í leiknum á móti Breiðabliki. Svo eru einhverjir áhorfendur að gjamma eftir eftir leik. Þetta hefur áhrif á hans tilfinningar. Ég segi við hann að við munum taka utan um hann hérna í Víkinni og svo verður hann að njóta þess að mæta á æfingar og spila. Þetta er bara hluti af leiknum og áfram gakk eftir það," sagði Arnar.
Hann var spurður hvort hann væri hræddur um að missa Danijel í leikbann.
„Nei, ég er það ekki. Miðað við það sem maður hefur heyrt þá held ég að það sé ekki tilefni til þess að (einhver verði úrskurðaður í leikbann). Ég hef allavega ekki séð neinar myndbandsupptökur sem styðja við það," sagði þjálfarinn.
„Ég er búinn að ræða við hann, segi honum bara að vera jákvæður. Danijel Djuric er mjög misskilinn, auðvitað er þetta töffari, en þetta er ungur maður með tilfinningar. Umræðan í kringum Skagaleikinn fékk á hann og það sást í leiknum á móti Breiðabliki. Svo eru einhverjir áhorfendur að gjamma eftir eftir leik. Þetta hefur áhrif á hans tilfinningar. Ég segi við hann að við munum taka utan um hann hérna í Víkinni og svo verður hann að njóta þess að mæta á æfingar og spila. Þetta er bara hluti af leiknum og áfram gakk eftir það," sagði Arnar.
Hann var spurður hvort hann væri hræddur um að missa Danijel í leikbann.
„Nei, ég er það ekki. Miðað við það sem maður hefur heyrt þá held ég að það sé ekki tilefni til þess að (einhver verði úrskurðaður í leikbann). Ég hef allavega ekki séð neinar myndbandsupptökur sem styðja við það," sagði þjálfarinn.
Mynd: Fótbolti.net - Hafliði Breiðfjörð
