Óhugnalegar myndir frá slysstaðnum

Birtar hafa verið óhugnalegar myndir frá slysstaðnum þar sem Diogo Jota, leikmaður Liverpool og portúgalska landsliðsins, lést ásamt bróður sínum eftir hörmulegt bílsslys.

Slysið átti sér stað í Zamora héraði á Spáni klukkan 00:30 að staðartíma, 22:30 að ísenskum tíma. Samkvæmt upplýsingum frá spænsku lögreglunni fór Lamborghini bifreið utan vegar eftir að dekk sprakk þegar bíllinn var í framúrakstri. Bíllinn varð alelda og voru bræðurnir tveir úrskurðaðir látnir á staðnum þegar björgunaraðilar mættu.

Spænskir fjölmiðlar hafa birt myndir af slysstað og eins og sjá má er ekki mikið eftir af bifreiðinni.