Rúnar Már og félagar í Cluj fara til Sviss í næstu viku
Rúnar Már Sigurjónsson og félagar hans í Cluj frá Rúmeníu gerðu 1-1 jafntefli við Young Boys frá Sviss í forkeppni Meistaradeildar Evrópu í kvöld.
Íslenski landsliðsmaðurinn var í byrjunarliði Cluj en var skipt af velli á 84. mínútu.
Young Boys jafnaði metin aðeins nokkrum mínútum síðar og náði í mikilvægt mark. Útivallarmörkin gilda ekki lengur og verður því mikil spenna í síðari leiknum í Sviss.
Mikael Neville Anderson var ekki með Midtjylland sem tapaði 3-0 fyrir PSV í Hollandi.
Síðari leikirnir fara fram eftir nákvæmlega viku en þau lið sem fara áfram fara í lokaumferðina í forkeppni Meistaradeildarinnar þar sem sæti í riðlakeppninni er í boði.
Athugasemdir
