Albert féll á mállýskuprófinu

Albert Guðmundsson gekk fyrr í vikunni til liðs við ítalska félagið Lazio frá Fiorentina. Hann kemur til liðsins á láni en Lazio getur gert skiptin varanleg á meðan láninu stendur.

Albert hefur verið kynntur með pompi og prakt á samfélagsmiðlum Lazio undanfarna tvo daga.

Hann var meðal annars fenginn til þess að spreyta sig á að giska á orð úr rómverskri mállýsku þar sem hann fékk að vita íslensku þýðinguna á orðunum áður.

Það má segja að Albert hafi fallið á prófinu því af níu mögulegum svörum náði hann einungis tveimur réttum.

Hér fyrir neðan má sjá myndbandið hressa.