Verona 0 - 1 Sassuolo
0-0 Andrea Pinamonti, misnotuð vítaspyrna ('71)
0-1 Andrea Pinamonti ('71)
0-0 Andrea Pinamonti, misnotuð vítaspyrna ('71)
0-1 Andrea Pinamonti ('71)
Verona tók á móti nýliðum Sassuolo í fyrsta leik helgarinnar í efstu deild ítalska boltans og var staðan markalaus eftir fyrri hálfleikinn.
Heimamenn í Verona voru sterkari aðilinn en náðu ekki að skapa sér gott færi á meðan gestirnir frá Sassuolo vörðust vel og bitu frá sér með skyndisóknum, en þeir voru án Domenico Berardi sem meiddist fyrir leik.
Leikurinn hélt áfram í sama fari í síðari hálfleik, þar sem heimamenn voru áfram sterkari en náðu ekki að skapa sérlega mikið af góðum færum. Sassuolo sá lítið til sólar þar til vítaspyrna var dæmd fyrir klaufalegt brot hjá Suat Serdar.
Andrea Pinamonti fór á vítapunktinn og spyrnti beint á markið en Lorenzo Montipó varði boltann aftur út, beint fyrir fætur Pinamonti sem fylgdi sjálfur eftir með marki.
Verona tókst ekki að jafna þrátt fyrir tilraunir svo lokatölur urðu 0-1 fyrir Sassuolo, sem er með 9 stig eftir 6 umferðir.
Verona á enn eftir að sigra á nýju tímabili og er aðeins með 3 stig.
Athugasemdir
