„Hefuru eitthvað að segja við stuðningsmenn? Er kominn tími til að selja félagið? Hefuru ekkert að segja? Eru stuðningsmenn einungis viðskiptavinir í þínum augum? Hafa viðskiptavinir alltaf rétt fyrir sér? Þetta er tækifæri fyrir þig. Kannski viltu biðjast afsökunar herra Glazer?"

Sally Lockwood spurði Avram þessara spurninga en hann hunsaði hana og keyrði í burtu. Myndskeið af þessu má sjá hér að neðan.

Stuðningsmenn United eru allt annað en sáttir við Glazer fjölskylduna og voru hörð mótmæli á Old Trafford sem gengu það langt að leik Man Utd og Liverpool var frestað. Eigendurnir hafa verið óvinsælir í mörg ár en kornið sem fyllti alla mæla voru þau áform að ætla að taka þátt í Ofurdeildnni.

Hætt var við að stofna Ofurdeildina, í bili hið minnsta, en stuðningsmenn eru mjög sárir vegna áformanna.