Eins og áður hefur komið fram í kvöld þá var leikur KR og Víkings á Meistaravöllum alveg ótrúlegur.
KR vann 2-0 en Víkingar misstu þrjá menn af velli með rautt spjald. Þeir Kári Árnason, Sölvi Geir Ottesen og Halldór Smári Sigurðsson fengu allir að líta rauða spjaldið.
KR vann 2-0 en Víkingar misstu þrjá menn af velli með rautt spjald. Þeir Kári Árnason, Sölvi Geir Ottesen og Halldór Smári Sigurðsson fengu allir að líta rauða spjaldið.
Arnar Gunnlaugsson, þjálfari Víkinga, sagði í viðtali eftir leik (sem horfa má á neðst í fréttinni) að hann hefði verið ósammála öllum rauðu spjöldunum en það var skiljanlega mjög mikill hiti í mönnum á hliðarlínunni og inn á vellinum yfir þessum leik.
Einar Guðnason, aðstoðarþjálfari Víkinga, segir hins vegar frá því á Twitter að starfsfólk Víkings hafi fengið hrós frá fjórða dómaranum, Einari Inga Jóhannssyni, fyrir að halda haus við þær aðstæður sem mynduðust.
Arnar hefur þá fengið hrós fyrir það hvernig hann kom fram í fjölmiðlum eftir leik. Hann var ekki mikið að æsa sig.
Sjá einnig:
Sölvi við fjórða dómarann: Fokka þú þér aumingi
Svo að það sé tekið fram þá hrósaði 4.dómarinn staffinu á bekknum hjá okkur í Víkingi fyrir að hafa haldið haus við þessar "aðstæður"
— Einar Gudnason (@EinarGudna) July 4, 2020
Athugasemdir